Ալիևն առաջարկել է թյուրքական պետությունների համատեղ զորավարժություն անցկացնել

Ադրբեջանի Գաբալա քաղաքում անցկացված «Թյուրքական պետությունների կազմակերպության»12-րդ գագաթնաժողովի ընթացքում Ադրբեջանի նախագահ Իլհամ Ալիևն առաջարկել է կազմակերպության անդամ պետությունների միջև համատեղ զորավարժություններ անցկացնել։ Ալիևը նշել է, որ վերջին մեկ տարվա ընթացքում Թուրքիայի հետ անցկացվել է ավելի քան 25 համատեղ զորավարժություն։

«Հաշվի առնելով մեր երկրների միջև ռազմական, պաշտպանական և անվտանգության ոլորտում լայնածավալ համագործակցությունը՝ մենք առաջարկում ենք 2026-ին Թյուրքական պետությունների կազմակերպության անդամ պետությունների միջև համատեղ զորավարժություններ անցկացնել Ադրբեջանում»,- նշել է Ալիևը։