Վրաստանի նախկին պաշտպանության նախարար Բաչո Ախալաիային կանչել են Վրաստանի ներքին գործերի նախարարություն՝ հոկտեմբերի 4-ին Թբիլիսիում տեղի ունեցած անկարգությունների հետաքննության շրջանակներում ձայնային նմուշներ վերցնելու և հարցաքննելու համար։
Հարցաքննությունից առաջ Ախալայան լրագրողներին ասել է, որ ձայնագրությունը «1000% կեղծ» է։ Նա նշել է, որ Բուրճուլաձեն ընտանիքի ընկերն է, և որ նրանք կանոնավոր կապ են պահպանում։ Սակայն նախկին նախարարը պնդում է, որ օպերային երգչի հետ շփվելիս երբեք չի օգտագործում այն տոնը կամ անպարկեշտ լեզուն, որը հայտնաբերվել է ֆայլում։
«Ես վերադարձել եմ մի քանի ամիս առաջ, և իմ տեղաշարժերը, գտնվելու վայրն անընդհատ հսկվում են։ Ահա թե ինչպես եմ ապրել այս վերջին ամիսներին՝ առանց խնդիրների, բացահայտ, ազատ։ Միակ անհարմարությունն ու խնդիրները երեխաների համար ստեղծված մշտական հսկողությունն է։ Այնպես որ, ես թաքցնելու ոչինչ չունեմ»,-հայտարարել Ախալաիան։
Օրեր առաջ իշխանամետ «Իմեդի» հեռուստաալիքը մի ձայանգրություն էր հրապարակել, որը վերագրվում է հոկտեմբերի 4-ի բողոքի ցույցի կազմակերպիչներից մեկի՝ Պաատա Բուրճուլաձեի և Ախալաիայի միջև զրույց։ Ձայնագրությունում քննարկվում է հանրահավաքի սցենարը՝ զինված անկարգությունների և զանգվածային բախումների կազմակերպում, ցուցարարների և ոստիկանության միջև հնարավոր զոհեր և ձախողման հետևանքներ։ «Իմեդին» չի բացահայտել իր աղբյուրը։
Հետևեք մեզ տելեգրամում
