CNN-ը հաղորդել է, որ ԱՄՆ-ի և Կանադայի չորս օդանավակայանների հանրայի ծանուցման համակարգերը ենթարկվել են հաքերային հարձակման, և էկրաններին հեռարձակվել են պաղեստինյան «ՀԱՄԱՍ» շարժմանը սատարող և ԱՄՆ-ի ու Իսրայելի առաջնորդներ Դոնալդ Թրամփին և Բենյամին Նեթանյահուին քննադատող հայտարարություններ։
Հեռուստաընկերության տվյալներով՝ միջադեպերը տեղի են ունեցել Փենսիլվանիայի Հարիսբուրգի միջազգային օդանավակայանում, ինչպես նաև կանադական Քելոունա, Վիկտորիա և Ուինսոր քաղաքների օդանավակայաններում։ Հաքերային հարձակումը խաթարել է օդանավակայանի գործունեությունը և հանգեցրել չվերթների ուշացման։ Հարիսբուրգի օդանավակայանի խոսնակը CNN-ին ասել է, որ «չարտոնված օգտատերը մուտք է գործել օդանավակայանի հանրային ձայնային համակարգ և հեռարձակել է չարտոնված ձայնագրություն»։
«Հաղորդագրությունը քաղաքական բնույթի էր և չէր պարունակում որևէ սպառնալիք օդանավակայանի, ավիաընկերությունների կամ ուղևորների նկատմամբ»,-հավելել է նա։
Հետևեք մեզ տելեգրամում
