Վրաստանը ամրապնդում է իր ռազմավարական դիրքը Միջին միջանցքում․ Կոբախիձե

Վրաստանը շարունակում է ակտիվորեն ամրապնդել իր ռազմավարական դիրքը Միջին միջանցքում։ Այս մասին Gulf News (UAE)-ին տված հարցազրույցում հայտարարել է Վրաստանի վարչապետ Իրակլի Կոբախիձեն։

Կոբախիձեն ընդգծել է, որ Վրաստանի գերակա խնդիրներից մեկը կայուն տնտեսական զարգացման ապահովումն է։ Նրա խոսքով, երկրի լիբերալ տնտեսական և հարկային քաղաքականությունը ստեղծել է բարենպաստ միջավայր բիզնեսի և ներդրումների համար։

«Մենք ձգտում ենք ամրապնդել տնտեսական կապերը և առավելագույնի հասցնել Վրաստանի ռազմավարական դիրքը։ Միջին միջանցքում Վրաստանի համակարգող դերի ամրապնդումը կարևորագույն նշանակություն ունի երկրի տնտեսական ներուժի մեծացման համար»,-ասել է Վրաստանի վարչապետը՝ նշելով, որ այս նպատակին հասնելու համար կառավարությունը զգալի ներդրումներ է կատարում ենթակառուցվածքային նախագծերում։