Վրաստանի Սահմանադրական դատարանի կայքում հրապարակվել է իշխող «Վրացական երազանք – Դեմոկրատական Վրաստան» կուսակցության հայցը՝ նախկին նախագահ Միխեիլ Սաակաշվիլիի «Միացյալ ազգային շարժում» կուսակցությունը արգելելու վերաբերյալ։ Դատարանը գրանցել է հայցը։
Հայցադիմումումը ներկայացրել են խորհրդարանի 88 անդամներ: Փաստաթղթում պահանջվում է, որ երեք ընդդիմադիր քաղաքական ուժեր, այդ թվում՝ Սաակաշվիլիի կուսակցությունը, ճանաչվեն հակասահմանադրական և արգելվեն։
Օրենքի համաձայն՝ Սահմանադրական դատարանը հայցադիմումը գրանցելուց հետո ունի ոչ ավելի, քան ինը ամիս՝ այն քննարկելու համար։
Սահմանադրական դատարանում հայցի հիմքը խորհրդարանական քննչական հանձնաժողովի եզրակացությունն էր։ Այն պարզել էր, որ Սաակաշվիլիի կուսակցության կառավարման տարիներին (2004-2012) զանգվածաբար խախտվել են մարդու իրավունքները։ Այս խախտումները համակարգային են եղել։ Ավելին, 2012 թվականին «Վրացական երազանք» կուսակցության իշխանության գալուց հետո Սաակաշվիլիի շարժումը շարունակել է իր դիվերսիոն գործունեությունը պետության դեմ։
Հետևեք մեզ տելեգրամում
