10 տարվա ընթացքում Վրաստանից դեպի Ադրբեջան բեռնաշրջանառությունը կրճատվել է 40%-ով, իսկ Ադրբեջանից դեպի Վրաստան՝ 15%-ով։ Այս մասին «Օրբելի – 2025» միջազգային համաժողովի ընթացքում հայտնել է Վրաստանի Տրանսպորտային միջանցքների ուսումնասիրության կենտրոնի տնօրեն Պաատա Ցագարեիշվիլին։
Ըստ նրա՝ դա վկայում է այն մասին, որ Եվրոպայից դեպի Կենտրոնական Ասիա բեռնահոսքը էապես կրճատվել է։ Նա հիշեցրել է, որ Բաքու-Թբիլիսի-Կարս երկաթուղու տարեկան թողունակությունը կազմում է 5 մլն տոննա։ «Մինչդեռ 2023 թվականին օգտագործվել է այդ ներուժի միայն 11%-ը», – նշել է փորձագետը։
Ցագարեիշվիլին ընդգծել է, որ Ռուսաստանից դեպի Ադրբեջան երկաթուղային բեռնափոխադրումների ծավալը 9 անգամ ավելի մեծ է, քան հակառակ ուղղությամբ։
Հետևեք մեզ տելեգրամում
