Նոյեմբերի 4-5-ը Ֆինլանդիա կատարելիք այցի ընթացքում Թուրքիայի արտգործնախարար Հաքան Ֆիդանը մտադիր է հայտարարել իր երկրի՝ Ուկրաինայում դիվանագիտական ջանքերով խաղաղ կարգավորման հասնելու պատրաստակամության մասին։
Ֆիդանը Հելսինկի կայցելի իր ֆին գործընկեր Էլինա Վալտոնենի հրավերով։
«Նախարարը մտադիր է հայտարարել Թուրքիայի պատրաստակամության մասին՝ միջնորդելու միջազգային ջանքերին և դիվանագիտական գործընթացներին, որպեսզի հասնեն խաղաղ ճանապարհով Ռուսաստանի և Ուկրաինայի միջև հակամարտության արդար և կայուն կարգավորմանը»,-ՏԱՍՍ-ին հայտնել է աղբյուրը։
Հիշեցնենք, որ նախկինում Ստամբուլում անցկացվել է Ռուսաստանի և Ուկրաինայի միջև բանակցությունների երեք փուլ։
Հետևեք մեզ տելեգրամում
