Նոյեմբերի 5-ին Մոսկվայում անցկացվելու է ԱՊՀ անդամ պետությունների անվտանգության խորհուրդների քարտուղարների 13-րդ նիստը։ Այն նախագահելու է Ռուսաստանի Դաշնության Անվտանգության խորհրդի քարտուղար Սերգեյ Շոյգուն։ ԱՊՀ-ին սպառնացող վտանգները, դրանց արձագանքման միջոցառումները և Արևմուտքի «գաղափարախոսական էքսպանսիային հակազդելը» նիստի օրակարգային հարցերի թվում են լինելու։
Նիստի շրջանակներում Շոյգուն նաև առանձին հանդիպումներ է ունենալու Ադրբեջանի և Հայաստանի գործընկերների հետ։
Շոյգուն ընդգծել է, որ Անվտանգության խորհրդի քարտուղարների հանդիպումը «վստահության վրա հիմնված հաղորդակցության իսկապես եզակի ձևաչափ է, որը թույլ է տալիս ոչ միայն բաց և կառուցողականորեն քննարկել ամենաբարդ անվտանգային հարցերը, այլև համատեղ մշակել լուծումներ՝ երկրներին ու ժողովուրդներին արտաքին և ներքին սպառնալիքներից պաշտպանելու համար՝ հիմնվելով ավանդական ընդհանուր արժեքների ամուր հիմքի վրա»։
Հետևեք մեզ տելեգրամում
