Թուրքիայի հետախուզության ղեկավարը «ՀԱՄԱՍ»-ի հետ քննարկել է Գազայում հրադադարի ռեժիմը

Թուրքիայի Ազգային հետախուզական կազմակերպության ղեկավար Իբրահիմ Քալընը Գազայի հատվածում հրադադարի համաձայնագրի իրականացումը քննարկել է պաղեստինյան «​​ՀԱՄԱՍ» շարժման ներկայացուցիչների հետ, հաղորդում է թուրքական NTV հեռուստաալիքը՝ հղում անելով հետախուզական գործակալության աղբյուրներին։

Հեռուստաալիքի փոխանցմամբ՝ Քալընը Ստամբուլում հանդիպել է Խալիլ ալ-Հայայի գլխավորած ՀԱՄԱՍ-ի քաղբյուրոյի պատվիրակության հետ։ NTV-ի փոխանցմամբ՝ պաղեստինյան շարժման ներկայացուցիչները Իսրայելին մեղադրել են հրադադարը խախտելու մեջ։

Հանդիպման ժամանակ քննարկվել են նաև Գազայի խաղաղության ծրագրի հաջորդ փուլերի իրականացումը և միջազգային կազմակերպությունների հետ համագործակցությամբ պաղեստինյան անկլավի բնակիչներին մարդասիրական օգնություն տրամադրելը։