«ԱՐԱՐ» քաղաքակրթական հետազոտությունների հիմնադրամը հետազոտություն է անցկացրել Հայաստանում ամենաբարձր գոհունակություն վայելող կառույցների վերաբերյալ։ Հետազոտությունն անցկացվել է հոկտեմբերի 5-25-ը։ Հարցմանը մասնակցել է 1123 մարդ։ Ըստ հետազոտության արդյունքների՝ ՀՀ-ում ամենաբարձր գոհունակությունը վայելող կառույցները Զինված ուժերը և Հայ առաքելական եկեղեցին են՝ համապատասխանաբար 66․4% և 62.5%-ով: Այդ կառույցների գործունեությունցի ամենաշատը գոհ են երիտասարդները։
Ոստիկանության հանդեպ բարձր գոհունակությունը 54․6% է։ Հարցվածներն առավել դժգոհ են Կառավարությունից՝ 39․5%, իսկ Ազգային ժողովի գործունեությունից դժգոհ է 50․0%-ը։ Ազգային ժողովից ամենաշատը դժգոհ են 45-60 տարիքային խմբի ներկայացուցիչները, ինչպես նաև ցածր սոցիալական ապահովածություն ունեցող մարդիկ՝ 62․7%:
Ինչպես նախորդ հետազոտության դեպքում, այս անգամ ևս Հայ առաքելական եկեղեցուց ամենաշատը գոհ են երիտասարդները (Z սերունդը)՝ 82․5%, ինչպես նաև քաղաքաբնակների 67․1%-ը։ Ինչպես Հայ առաքելական եկեղեցուն, այնպես էլ Զինված ուժերին ամենաշատը վստահում են երիտասարդները՝ շուրջ 70%:
Հետևեք մեզ տելեգրամում
