Հայաստանի էկոնոմիկայի նախարար Գևորգ Պապոյանն աշխատանքային այցով մեկնել է Հնդկաստան։Նախարարը մասնակցել է Հնդկաստան–Եվրոպա բիզնեսի և կայունության համաժողովի նախարարական նիստին։
Նախարարը ներկայացրել է Հայաստանի ներդրումային միջավայրը, ինչպես նաև խոշոր ծրագրերը, որոնց թվում՝ Գյումրու «չոր նավահանգիստը»։
«Հայաստանի աշխարհագրական դիրքը հնարավորություն է տալիս դառնալ տնտեսական, մշակութային և լոգիստիկ կամուրջ Եվրոպայի և Ասիայի միջև։ Այս առումով Հայաստանը կարող է միավորել Հնդկաստանի դինամիկ տնտեսությունը Եվրոպայի առաջադեմ շուկաների հետ՝ հանդես գալով որպես իդեալական հաբ առևտրի, արտադրության և տեխնոլոգիական համագործակցության համար»,- նշել է Պապոյանը։
Նախարարն անդրադարձել է նաև «TRIPP» և «Խաղաղության խաչմերուկ» նախաձեռնություններին՝ ընդգծելով դրանց նշանակությունը ոչ միայն տարածաշրջանային տնտեսական համագործակցության խորացման, այլև խաղաղության հաստատման գործընթացի ամրապնդման տեսանկյունից։
Հետևեք մեզ տելեգրամում
