Կիևում Ադրբեջանի դեսպանատան համալիրին հասցված վնասը, ամենայն հավանականությամբ, պայմանավորված է ուկրաինական ՀՕՊ համակարգերի ոչ ճիշտ աշխատանքով: Այս մասին ասվում է ՌԴ փոխարտգործնախարար Միխայիլ Գալուզինի և Մոսկվայում Ադրբեջանի դեսպան Ռահման Մուստաֆաևի հանդիպումից հետո ՌԴ ԱԳՆ տարածած հաղորդագրության մեջ:
Նախարարության հայտարարության մեջ նշվում է, որ միջադեպը, հավանաբար, պայմանավորված է եղել Patriot հրթիռի ընկնելու հետ։
Գալուզինը դեսպանին տեղեկացրել է, որ Մոսկվան ուշադիր ուսումնասիրում է Բաքվի դիմումը դիվանագիտական ներկայացուցչությանը հասցված վնասի վերաբերյալ։
«Ռուսական կողմը իր անկեղծ ափսոսանքն է հայտնում միջադեպի կապակցությամբ։ Կիևում Ադրբեջանի դիվանագիտական ներկայացուցչության համալիրին հասցված վնասը, ամենայն հավանականությամբ, պայմանավորված է Ուկրաինայի զինված ուժերի հակաօդային պաշտպանության համակարգերի ոչ պատշաճ գործունեությամբ», – ասվում է հայտարարության մեջ։
Նոյեմբերի 14-ին Ադրբեջանի արտաքին գործերի նախարարություն էր հրավիրվել Բաքվում Ռուսաստանի դեսպան Միխայիլ Եվդոկիմովը: Նրան նրան բողոքի նոտա է ներկայացվել՝ կապված ռուսական «Իսկանդեր» հրթիռի բեկորների՝ Ադրբեջանի դեսպանատան տարածքում ընկնելու հետ։
Հետևեք մեզ տելեգրամում
