Իրանի Սեմնան նահանգի Բասթամ քաղաքում մահապատժի է ենթարկվել երկու կանանց բռնաբարելու մեղադրանքով դատապարտված տղամարդը։ Այս մասին հայտնել է Սեմնան նահանգի դատական իշխանության ղեկավարը, փոխանցում է իրանական Entekhab լրատվակայքը։
Գործը քննության է վերցվել դեռ 2022 թվականին։ Հետաքննության ընթացքում պարզվել է, որ մեղադրյալը տարբեր պատրվակներով մոլորեցրել է երկու կանանց և նրանց նկատմամբ կատարել սեռական բռնի գործողություններ։ Բացի այդ, նա ահաբեկել և սպառնացրել է տուժածներին՝ ստեղծելով վախի, ինչպես նաև պատվի ու հեղինակության համար մտահոգության մթնոլորտ։
Քննության ավարտից հետո Սեմնան նահանգի առաջին ատյանի քրեական դատարանը տղամարդուն մեղավոր է ճանաչել և դատապարտել մահապատժի։
Հետևեք մեզ տելեգրամում
