Թուրքիայի նախագահ Ռեջեփ Թայիփ Էրդողանը և Ֆրանսիայի նախագահ Էմանուել Մակրոնը հեռախոսազրույց են ունեցել:
Զրույցի ընթացքում կողմերը քննարկել են Թուրքիայի և Ֆրանսիայի երկկողմ հարաբերությունների զարգացումը, Ուկրաինայի և Ռուսաստանի միջև շարունակվող պատերազմը, ինչպես նաև տարածաշրջանային ու միջազգային օրակարգի մի շարք կարևոր հարցեր։
Էրդողանը շեշտել է Անկարայի պատրաստակամությունը խորացնելու համագործակցությունը Փարիզի հետ և նշել, որ Թուրքիան շարունակելու է առավելագույն ջանքեր գործադրել Ուկրաինա-Ռուսաստան պատերազմը արդար և կայուն խաղաղությամբ ավարտին հասցնելու ուղղությամբ։ Նա ընդգծել է, որ դիվանագիտական ուղիների արդյունավետ կիրառումը խաղաղության հասնելու հիմնական պայմանն է։
Թուրքիայի նախագահի խոսքով՝ Անկարան շարունակում է ակտիվ շփումները՝ Ստամբուլի գործընթացը վերակենդանացնելու նպատակով, և պատրաստ է իր ներդրումն ունենալ հնարավորինս շուտ բանակցությունների վերականգնման մեջ։ Էրդողանը հավելել է, որ Թուրքիան կշարունակի աջակցել հրադադարի հաստատման ծրագրերին և հետագա քայլերին, իսկ աշխարհաքաղաքական լարվածությունը խորացնող քայլերից զերծ մնալը կնպաստի գլոբալ խաղաղության հաստատմանը։
Զրույցի ընթացքում կողմերը անդրադարձել են նաև Կովկասում, Գազայում և Սիրիայում տիրող իրավիճակին։
Հետևեք մեզ տելեգրամում
