Վրաստանի վարչապետ Իրակլի Կոբախիձեն հայտարարել է, որ «Ռուսաստանի հետ հարաբերությունների կարգավորումը հնարավոր է միայն վրացական տարածքների դեօկուպացիայի դեպքում»։ Փոխանցում է Armenpress-ը:
«Մենք ունենք սկզբունքային դիրքորոշում և կարմիր գծեր՝ կապված դեօկուպացիայի հարցի հետ։ Այս հարցը որևէ փոխզիջման ենթակա չէ», – ասել է Կոբախիձեն:
Ավելի վաղ ՌԴ ԱԳՆ-ն հայտարարել էր, որ երկիրը պատրաստ է կարգավորել հարաբերությունները Վրաստանի հետ, բայց դեռևս որևէ նախադրյալ չի տեսնում քաղաքական երկխոսությունը վերսկսելու համար, քանի որ Թբիլիսին չի հրաժարվում իր դիրքորոշումից և Մոսկվայի հետ դիվանագիտական հարաբերությունների վերականգնումը կապում է է Ռուսաստանի կողմից Աբխազիայի և Հարավային Օսիայի ճանաչումից հրաժարվելու հետ։
Հետևեք մեզ տելեգրամում
