Արցախում շինարարական աշխատանքներ իրականացնող թուրքական «Arenol Group» ընկերության տնօրեն Թոլգա Շահինը դիմել է Թուրքիայի նախագահ Ռեջեփ Թայիփ Էրդողանին՝ հայտարարելով, որ իր ընկերության միջոցները յուրացվել են, գործարանները՝ բռնագրավվել, իսկ ինքն անձամբ ստացել է սպառնալիքներ: Այս մասին հայտնում են ադրբեջանական ընդդիմադիր լրատվամիջոցները:
Շահինը հայտնել է, որ իր ընկերությունը Բերձորում, Քարվաճառում դպրոցներ, գործարաններ, հյուրանոցներ, զորանոցներ է կառուցել և ընդհանուր առմամբ 44 նախագիծ իրագործել: Ըստ նրա՝ իր ունեցվածքը յուրացրել են օգտագործելով Ադրբեջանի նախագահի դուստր Լեյլա Ալիևայի անունը:
«Բացման արարողություններին անձամբ Իլհամ Ալիևն ու Մեհրիբան Ալիևան են մասնակցել: Պարոն նախագահ, մեր բոլոր գործարանները և ունեցվածքը յուրացվել են՝ օգտագործելով Լեյլա Ալիևայի անունը: Չնայած երկու տարի է՝ դիմել ենք Ադրբեջանի պետական կառույցներին, որևէ արդյունք չենք ստացել: Իրադրության մասին պատմեցինք Թուրքիայի դեսպան Ջահիտ Բաջըյային: Նա ասաց. «ինձ կվարկաբեկեն, հանգստացեք»: Մեր տուն կեղծ ոստիկաններ են եկել: Մեր տնից, թուրք աշխատողի տնից զենքեր են հանել: Այնպես, ինչպես մեզ հետ են վարվել, հայի հետ էլ չեն վարվել: Մենք Ձեզանից օգնություն ենք խնդրում»,-հայտարարել է Շահինը:
Հետևեք մեզ տելեգրամում
