Վրաստանի կառավարության որոշման համաձայն՝ «Վրացական երկաթուղիներ»-ը կիրականացնի ադրբեջանական վառելիքի միանվագ, անվճար երկաթուղային փոխադրում դեպի Հայաստան։ Թբիլիսին անվճար փոխադրման մասին հայտարարել է դեկտեմբերի 8-ին, իսկ որոշման հրամանագիրը հրապարակվել է այսօր։
Հրամանագրի համաձայն՝ վառելիքի միանվագ անվճար փոխադրումը կվերաբերի 2600 տոննա դիզելային վառելիքի։
Նշենք, որ ներկայումս Հայաստանը և Ադրբեջանը կապող երկաթուղագիծը չի գործում, ուստի երկու երկրների միջև բեռնափոխադրումներն իրականացվում են տարանցիկ եղանակով՝ Վրաստանի տարածքով։
Հետևեք մեզ տելեգրամում
