Սպիտակ տունը դադարեցնում է գրին-քարտ վիճակախաղի ծրագիրը։ Նշվում է, որ դա կապված է Բրաունի համալսարանում տեղի ունեցած հրաձգության պատճառով, քանի որ հրաձգության կասկածյալը Միացյալ Նահանգներ էր եկել գրին-քարտ շահելու միջոցով։ Այս մասին հայտնել է Reuters-ը՝ հղում կատարելով ներքին անվտանգության նախարար Քրիստի Նոեմին։
«Նախագահ Դոնալդ Թրամփի հրահանգով ես անմիջապես հրամայում եմ ԱՄՆ քաղաքացիության և ներգաղթի ծառայություններին (USCIS) դադարեցնել DV1 ծրագիրը՝ ապահովելու համար, որ ամերիկացիները չտուժեն այս վնասակար ծրագրից»,- ասել է Նոեմը։
Հիշեցնենք, որ սույն թվականի դեկտեմբերի 13-ի երեկոյան Ռոդ Այլենդ նահանգի Փրովիդենս քաղաքի Բրաունի համալսարանում հրաձգություն էր տեղի ունեցել։ Առնվազն երկու մարդ զոհվել է, ինը՝ վիրավորվել։ ՀԴԲ-ն 50 հազար դոլար պարգևատրում է նշանակել Բրաունի համալսարանի կրակոցների հեղինակի մասին տվալներ հաղորդելու համար։
Հետևեք մեզ տելեգրամում
