Բաղդադի կենտրոնում մասշտաբային վերականգնումից հետո վերաբացվել է Հայ Առաքելական Սուրբ Գրիգոր Լուսավորիչ եկեղեցին: Հանդիսավոր արարողությանը մասնակցել է Իրաքի վարչապետ Մուհամմեդ Շիա ալ-Սուդանին:
Բաբ ալ-Շարքի թաղամասի ալ-Թայերան հրապարակում գտնվող եկեղեցին նվիրված է Սուրբ Գրիգոր Լուսավորչին և Իրաքի հայ համայնքի կարևորագույն հոգևոր կենտրոնն է: Այն կառուցվել է 1954-1957 թթ. բարերաներ Սիմոն Մ. Ղարիբյանի և Գալուստ Գյուլբենկյանի աջակցությամբ:
Համալիրի տարածքում են գտնվում նաև հայկական գերեզմանատունը, թանգարանը և Հայոց ցեղասպանության զոհերի հիշատակին նվիրված հուշահամալիրը։
Հետևեք մեզ տելեգրամում
