Իսրայելում ԱՄՆ դեսպան Մայք Հաքաբին գտնում է, որ հրեական պետությունը չունի Գազայի հատվածը կառավարելու կամ բնակեցնելու նկրտումներ, և որ անկլավի իշխանությունը, ի վերջո, կփոխանցվի պաղեստինցիներին։ Նա այս մասին հայտարարել է Sky News-ին տված հարցազրույցում։
«Կարծում եմ, որ դա էլ ծրագրի վերջնական նպատակն է։ Ես չեմ կարծում, որ Իսրայելը Գազայում ապրելու կամ այնտեղ ինչ-որ բան ստեղծելու որևէ նկրտում ունի: Նրանք բացարձակապես վստահ են, որ չեն ցանկանում հոկտեմբերի 7-ի հարձակումների կրկնություն», – ասել է Հաքաբին։
Նա նշել է, որ Իսրայելը, ամեն դեպքում, կապահովի Գազայի հատվածի հետ իր սահմանի անվտանգությունը, բայց դա կանի խաղաղության գործընթացով սահմանված շրջանակներում։ Նրա խոսքով, Գազայի խաղաղության ծրագրի երկրորդ փուլի համաձայն, անկլավում շուտով կստեղծվի պաղեստինցիներից կազմված տեխնոկրատական վարչակազմ։ Այժմ որոշվում է դրա վերջնական կազմը։
Հետևեք մեզ տելեգրամում
