88 տարեկանում մահացել է Սիրիայի նախկին փոխնախագահ (1984-1998) և նախկին նախագահ Բաշար ալ-Ասադի հորեղբայր Ռիֆաթ ալ-Ասադը: Այս մասին հայտնել է «Սիրիա» հեռուստաընկերությունը։
Հեռուստաալիքը մահվան հանգամանքների մասին մանրամասներ չի հաղորդել։
Ռիֆաաթ ալ-Ասադը Սիրիայի նախկին նախագահ Հաֆեզ ալ-Ասադի կրտսեր եղբայրն է։ Նա 1984 թվականից՝ ձախողված հեղաշրջման փորձից հետո, ապրել է արտասահմանում՝ միաժամանակ անվանապես շարունակելով զբաղեցնել պետական պաշտոններ։ 2021 թվականին Բաշար ալ-Ասադն իր հորեղբորը թույլ տվեց վերադառնալ հայրենիք՝ պայմանով, որ նա զերծ մնա քաղաքական գործունեությունից։ Ռիֆաաթ ալ-Ասադի դեմ դատական հայցեր են ներկայացվել Իսպանիայում, Ֆրանսիայում և Շվեյցարիայում՝ կոռուպցիայի և ռազմական հանցագործությունների մեղադրանքով։ Դատավարությունը դադարեցվել է մեղադրյալի վատառողջության պատճառով։
Արաբական լրատվամիջոցների հաղորդմամբ, Ռիֆաաթը 2024 թվականի դեկտեմբերին Սիրիայում տեղի ունեցած իշխանափոխությունից հետո տեղափոխվել էր Բեյրութ։
Հետևեք մեզ տելեգրամում
