Քրդական «Սիրիայի դեմոկրատական ուժերը» (SDF) համաձայնել են ինտեգրվել սիրիական բանակին, ընդ որում՝ ինտեգրումը տեղի կունենա փուլ առ փուլ։ Այս մասին ասվում է SDF-ի հայտարարության մեջ։
«Սիրիայի կառավարության և SDF-ի միջև հրադադարի վերաբերյալ համաձայնություն է ձեռք բերվել համապարփակ համաձայնագրի շրջանակներում, որը նախատեսում է երկու կողմերի զինված ուժերի և վարչական ապարատի փուլային ինտեգրում։ Համաձայնագիրը նախատեսում է նաև «զինված ուժերի դուրսբերում շփման գծերից», Սիրիայի Ներքին գործերի նախարարության ենթակա ստորաբաժանումների տեղակայում Հասակեի և Ղամիշլիի կենտրոնական շրջաններում», – նշվում է հայտարարության մեջ։
Բացի այդ, քրդական ինքնակառավարման ինստիտուտները կինտեգրվեն Սիրիայի պետական կառույցներին, իսկ նրանց աշխատակիցներին երաշխավորված կլինի քաղաքացիական ծառայության կարգավիճակ։
Հետևեք մեզ տելեգրամում
