Վրաստանի նախկին նախագահ Միխեիլ Սահակաշվիլին հայտարարել է, որ երկրի նախկին վարչապետ Իրակլի Ղարիբաշվիլին վախենում է բանտում թունավորվելուց և հրաժարվում է ընդունել իրեն տրամադրվող դեղորայքը։ Փոխանցում է Interpressnews-ը:
Սաակաշվիլին այդ մասին գրել է բանտից ուղարկված նամակում՝ նշելով, որ Ղարիբաշվիլիի՝ թունավորվելու վախի մասին իրեն տեղեկությունները հասանելի են դարձել բանտում։ «Նա չի ընդունում բանտում իրեն տրամադրվող դեղորայքը, քանի որ վախենում է թունավորվելուց»,- գրել է Սաակաշվիլին։
Նրա խոսքով՝ Ղարիբաշվիլին նաև վախենում է զբոսանքի դուրս գալ, քանի որ այդ ընթացքում մնում է բանտի հիմնական շենքից դուրս և, ինչպես պնդում է Սաակաշվիլին, մտավախություն ունի, որ կարող է սպանվել։
Սաակաշվիլին նշել է, որ վերջին օրերին Ղարիբաշվիլիին արդեն չորրորդ անգամ այցելել է բանտի հոգեբույժը։ Նրա խոսքով՝ բանտի աշխատակիցները հայտարարել են, որ նախկինում նման ծանր հոգեբանական վիճակում գտնվող բանտարկյալ չեն ունեցել։
Սաակաշվիլին, միաժամանակ, ընդգծել է, որ Ղարիբաշվիլիի իրավունքները պետք է պահպանվեն՝ անկախ նրա նկատմամբ իր վերաբերմունքից:
Նշենք, որ Վրաստանի նախկին վարչապետ Իրակլի Ղարիբաշվիլին կոռուպցիոն գործով 5 տարվա ազատազրկման է դատապարտվել: Վերջին շրջանում նա բանտից նամակներ է հրապարկել, որտեղ մանրամասներ է ներկայացրել իր ազատազրկման պատճառների մասին՝ պնդելով, որ իր դեմ սկսված գործընթացը քաղաքական պատվեր է:
Հետևեք մեզ տելեգրամում
