Ռուսաստանի ստորգետնյա գազապահեստարաններն արդեն 90%-ով լցված են ձմռան համար։ Այս մասին հայտարարել է «Գազպրոմի» գլխավոր տնօրեն Ալեքսեյ Միլլերը Ռուսաստանի գազի և նավթարդյունաբերության աշխատողների օրվան ընդառաջ կայացած հանդիպման ժամանակ։ Tass-ի փոխանցմամբ՝ Գազպրոմի» գլխավոր տնօրենը ընդգծել է, որ ջեռուցման սեզոնի սկզբին դրանք լի կլինեն։
«Ներկայումս Ռուսաստանի ստորգետնյա պահեստարաններն արդեն 90%-ով լցված են։ Եվ ջեռուցման սեզոնի սկզբին, ինչպես միշտ, դրանք անպայման լի կլինեն։ Մեր և՛ ռուս սպառողները, և՛ բելառուս ընկերները, կարող են լիովին վստահ լինել գալիք ձմռանը», – ասել է նա։
Միլլերը նշել է, որ «Գազպրոմն» այս տարի ստորգետնյա պահեստարաններում իր գազի պաշարները կհասցնի 73 296 միլիարդ խորանարդ մետրի, ինչը նոր պատմական ռեկորդ կլինի Ռուսաստանի գազարդյունաբերության համար։
Հետևեք մեզ տելեգրամում
