Թուրքիայի նախագահ Ռեջեփ Թայիփ Էրդողանը 2026-ի առաջին արտասահմանյան այցը կկատարի Սաուդյան Արաբիա, իսկ հետո Եգիպտոս։ Էրդողանը Սաուդիան Արաբիա է մեկնում թագաժառանգ Մուհամմադ բին Սալմանի հրավերով և կայանալիք հանդիպումների ընթացքում քննարկելու է երկու պետությունների միջև առկա համագործակցության խորացմանը միտված քայլերը: Օրակարգային հարցերի թվում են լինելու նաև տարածաշրջանային և գլոբալ զարգացումները:
Փետրվարի 4-ին Էրդողանը կայցելի Եգիպտոս ու կհանդիպի նախագահ Աբդել Ֆաթահ ալ-Սիսիի։ Նախագահները համանախագահելու է երկու երկրների միջև բարձր մակարդակի ռազմավարական համագործակցության խորհրդի 2-րդ նիստը:
Քննարկվելու են երկկողմ օրակարգային հարցերը, ինչպես նաև տարածաշրջանային և միջազգային զարգացումները, այդ թվում՝ Պաղեստինի շուրջ տիրող իրավիճակը: Էրդողանը նաև մասնակցելու է այցի շրջանակներում կազմակերպվելիք «Թուրքիա-Եգիպտոս աշխատանքային համաժողովին»:
Հետևեք մեզ տելեգրամում
