Վրաստանի վարչապետ Իրակլի Կոբախիձեն հայտարարել է, թե ԱՄՆ-ի հետ հարաբերությունների վերագործարկման համար կսպասեն այնքան, որքան անհրաժեշտ է։
«Ըստ էության, սա կախված է ամերիկյան կողմից։ Մեր ձեռքը մեկնված է։ Մեր լիակատար բացությունը արտահայտվում է հարաբերությունների վերագործարկման և ռազմավարական գործընկերության վերականգնման առումով։ Մենք լավատես ենք։ Ամերիկյան կողմից լսված այս վերջին հաղորդագրությունները մեզ լավատեսություն են հաղորդում և սպասում ենք իրադարձությունների զարգացմանը։ Մեր ցանկությունն է, որ ռազմավարական գործընկերությունը վերականգնվի։ Մենք կսպասենք ամերիկյան կողմի քայլերին այս ուղղությամբ»,- հայտարարել է Կոբախիձեն։
Հետևեք մեզ տելեգրամում
