ԱՄՆ նախագահ Դոնալդ Թրամփն Իսրայելի վարչապետ Բենիամին Նեթանյահուի հետ հանդիպումից հետո հայտարարել է, որ կողմերը Իրանի վերաբերյալ վերջնական պայմանավորվածությունների չեն հասել։ Փոխանցում են ամերիկյան ԶԼՄ-ները:
Թրամփը Truth սոցիալական ցանցում գրել է, որ ինքը պնդել է Իրանի հետ բանակցությունների շարունակման անհրաժեշտությունը:
«Ես պնդել եմ, որ պետք է շարունակել Իրանի հետ բանակցությունները՝ հասկանալու համար, թե հնարավոր է արդյոք կնքել գործարք։ Եթե դա հնարավոր լինի, ես վարչապետին (խմբ.՝ Իսրայելի վարչապետին) կհասկացնեմ, որ դա կլինի նախընտրելի տարբերակ։ Եթե ոչ, ապա պարզապես պետք է տեսնենք, թե ինչ արդյունք կլինի»,- ընդգծել է ԱՄՆ նախագահը։
Նշենք, որ Իսրայելի վարչապետ Բենիամին Նեթանյահուն ԱՄՆ նախագահի հետ հանդիպման նպատակով մեկնել էր Վաշինգտոն:
Հետևեք մեզ տելեգրամում
