ԱՄՆ փոխնախագահ Ջեյ Դի Վենսը X-ի իր էջում գրառում է կատարել և հրապարակել է տեսանյութ՝ Հայաստան և Ադրբեջան կատարած այցից: Նա այն բնութագրել է որպես պատմական։ Այդ մասին հայտնում է Radar Armenia-ն:
«Սա այն է, ինչին Միացյալ Նահանգների նախագահը նվիրել է մեր արտաքին քաղաքականությունը։ Նախագահ Թրամփը հավատարիմ է այս գործընկերությանը, և ես՝ նույնպես»,- գրել է Վենսը։
ԱՄՆ փոխնախագահ Ջեյ Դի Վենսը ՀՀ վարչապետ Նիկոլ Փաշինյանի հետ հանդիպումից հետո հայտարարել է, որ Հայաստանը և ԱՄՆ-ն ավարտել են քաղաքացիական միջուկային էներգիայի ոլորտում 1-2-3 համաձայնագրի շուրջ բանակցությունները՝ բացելով լայն հնարավորություններ խոշոր ծրագրերի իրականացման համար։ Նա նշել է, որ դա ենթադրում է մինչև 5 միլիարդ դոլարի սկզբնական արտահանում ԱՄՆ-ից՝ գումարած 4 միլիարդ դոլարի աջակցություն վառելիքի և սպասարկման միջոցով:
Հետևեք մեզ տելեգրամում
