Shamsyan.com-ի տվյալներով, Աջափնյակում կրակոցներ են հնչել 16։00-ի սահմաններում։ Պարզվել է, որ Աբելյան փողոցի 9 հասցեում կրակոցներ են հնչել, ինչի հետևանքով կա 10 վիրավոր։ Նշված վայրից հրազենային վնասվածքներով 10 քաղաքացի տեղափոխվել են Երևանի տարբեր հիվանդանոցներ։
«Արմենիա» ԲԿ-ից հայտնել են, որ իրենց մոտ տեղափոխված 7 վիրավորներից մեկը մահացել է, երկուսի վիճակը ծայրահեղ ծանր է, մյուսների վիճակը կայուն ծանր է։
Դեպքի փաստով քննչական բաժնում մի խումբ անձանց նկատմամբ «սպանության փորձի» հատկանիշներով և ապօրինի զենք-զինամթերք պահելու, կրելու, օգտագործելու հատկանիշներով նախաձեռնվել է քրեական վարույթ։Դեպքի վայրում հայտնաբերվել են ինքնաձիգից և ատրճանակից կրակված մի քանի պարկուճներ, արնանման հետքեր, դանակ, «Lexus» մակնիշի ավտոմեքենա, որի վրա առկա են կրակոցի հետքեր։ Այս պահին քրեական և համայնքային ոստիկանները պարզում են վիրավորների, «Lexus»-ի սեփականատիրոջ ինքնությունը։
Հետևեք մեզ տելեգրամում
