Յագելոնյան համալսարանում բացվել է լեհահայերի պատմության լաբորատորիա

Կրակովի Յագելոնյան համալսարանը խորացնում է իր հետազոտությունները բազմամշակութային ժառանգության ոլորտում։ Alpha.news. am-ի փոխանցմամբ՝ համալսարանի ռեկտոր, պրոֆեսոր Պյոտր Եդինակը հիմնել է Սադոկ Բարոնչի անվան լեհահայերի պատմության լաբորատորիա։

Սադոկ Բարոնչը (1814–1891), որի անունով կոչվել է լաբորատորիան, ծագումով հայ նշանավոր պատմաբան էր, Դոմինիկյան միաբանության վանական։ Նա պատրաստել և հրատարակել է հիմնարար աշխատություններ Ռեչ Պոսպոլիտայի հայ համայնքի պատմության վերաբերյալ։

Սա կարևոր քայլ է Ռեչ Պոսպոլիտայում հայերի պատմության ուսումնասիրության զարգացման համար, այն համայնքի, որը դարերի ընթացքում համատեղ ձևավորել է Կենտրոնական և Արևելյան Եվրոպայի մշակութային և տնտեսական դիմագիծը։