Ռուբեն Վարդանյանի ընտանիքը հայտարարություն է տարածել՝ ներկայացնելով դատավճռից հետո նրա հետագա իրավական քայլերի վերաբերյալ դիրքորոշումը։
«Ռուբեն Վարդանյանի նկատմամբ կայացված դատավճռից հետո տեղեկացնում ենք հետագա իրավական գործողությունների վերաբերյալ նրա դիրքորոշման մասին: Ռուբենը որոշել է դատավճիռը չբողոքարկել։ Այս որոշումը չի նշանակում համաձայնություն դատավճռի հետ և չի նշանակում հրաժարվում պաշտպանությունից։ Սա գիտակցաբար հրաժարում է լեգիտիմացնելու գործընթացը, որն ի սկզբանե կապ չուներ արդարադատության հետ։ Բողաքարկումից հրաժարումը ոչ թե պայքարի ավարտ է, այլ հրաժարում՝ ֆարսին մասնակցելուց։ Մենք կշարունակենք պայքարել արդարության համար միջազգային իրավական մեխանիզմների և միջազգային այլ ատյանների միջոցով»։
Հիշեցնենք, որ փետրվարի 17-ին Արցախի նախկին պետնախարար Ռուբեն Վարդանյանը Բաքվում դատապարտվել է 20 տարվա ազատազրկման։
Փետրվարի 5-ին էլ Բաքվի դատարանը հրապարակել էր Արցախի ռազմաքաղաքական մյուս ղեկավարների դատավճիռները, ըստ այդմ՝ նրանք դատապարտվել են ցմահ և 20 տարվա ազատազրկման։
Հետևեք մեզ տելեգրամում
