Վրաստանը լիովին աջակցում է Ադրբեջանի և Հայաստանի միջև հարաբերությունների կարգավորման գործընթացին և անհրաժեշտության դեպքում կարող է հանդես գալ որպես միջնորդ այդ գործընթացում։ Այդ մասին Վրաստանի խորհրդարանի արտաքին հարաբերությունների հանձնաժողովի նախագահ Նիկոլոզ Սամխարաձեն հայտարարել է Բաքվում՝ Ադրբեջանի, Թուրքիայի և Վրաստանի խորհրդարանների արտաքին հարաբերությունների հանձնաժողովների եռակողմ նիստում։
Ըստ նրա՝ Ադրբեջանը, Թուրքիան և Վրաստանը ձևավորել են խոշոր տարանցիկ հանգույց, իսկ եռակողմ համագործակցությունը հետևողականորեն զարգանում է բոլոր ուղղություններով։
Խոսելով ռուս-ուկրաինական հակամարտության մասին՝ նա նշել է, որ Վրաստանը դատապարտել է Ուկրաինայի դեմ ագրեսիան և աջակցել է ուկրաինական ժողովրդին։
Հետևեք մեզ տելեգրամում
