Հնդկաստանի զինված ուժերի պաշտպանության շտաբի պետ, գեներալ Անիլ Չաուհանին փետրվարի 3-ին Հայաստան կատարած պաշտոնական այցի ընթացքում նվերներ է հանձնել ՀՀ վարչապետ Նիկոլ Փաշինյանին։ Այս մասին Factor.am-ը տեղեկանում է՝ Փաշինյանի կոռուպցիայի կանխարգելման հանձնաժողով ներկայացրած պաշտոնյայի նվերների հաշվառման ձևաթղթից։
Հնդիկ պաշտոնյան Նիկոլ Փաշինյանին 262 հազար դրամ արժողության փղի փայտե արձանիկ է նվիրել։ Անիլ Չաուհանին ՀՀ վարչպետին նաև 50 հազար դրամ արժողությամբ հուշանվեր է հանձնել։ Այն Հնդկաստանի պետական զինանշանի պատկերով է եղել, փայտե հիմքի վրա։
Հիշեցնենք, որ «Հանրային ծառայության մասին» օրենքում կատարված փոփոխությունների արդյունքում սահմանվել են հանրային ծառայողների կողմից նվերներ ընդունելու վերաբերյալ կանոններ։ Ըստ այդ կարգավորումների՝ պետությանը կամ համայնքին են հանձնվում պետական, պաշտոնական այցերի, միջոցառումների, ինչպես նաև աշխատանքային այցերի, գործուղումների շրջանակում տրվող նվերները, եթե դրանց արժեքը գերազանցում է 60.000 ՀՀ դրամը:
Հետևեք մեզ տելեգրամում
