ԱՄՆ նախագահ Դոնալդ Թրամփը ցավակցել է Թուրքիային «F-16» ռազմական ինքնաթիռի կործանման կապակցությամբ։ Նշենք, որ դեպքը տեղի է ունեցել փետրվարի 25-ի գիշերը, երբ ռազմական ինքնաթիռն օդ էր բարձրացել Բալըքեսիր քաղաքում տեղակայված 9-րդ ավիաբազայից ու վթարի ենթարկվել, ինչի հետևանքով օդաչուն զոհվել էր։
Ermenihaber.am-ի փոխանցմամբ՝ Թրամփի անունից ցավակցական ուղերձը սոցցանում հրապարակել է Թուրքիայում ԱՄՆ դեսպան և Սիրիայի հարցերով հատուկ ներկայացուցիչ Թոմ Բարրաքը։ Ուղերձում մասնավորապես նշվում է.
«Նախագահ Դոնալդ Թրամփի և ԱՄՆ-ի ժողովրդի անունից մեր խորին ցավակցությունն ենք հայտնում Բալըքեսիրում զոհված Թուրքիայի ռազմաօդային ուժերի օդաչուի ընտանիքին։ Այս սգի ընթացքում մենք մեր դաշնակից և ՆԱՏՕ-ի գործընկեր Թուրքիայի և թուրք ժողովրդի կողքին ենք»։
Հետևեք մեզ տելեգրամում
