Հանդիպել են Հայաստանի ու Վրաստանի արտգործնախարարները

Վրաստանի և Հայաստանի միջև տնտեսական համագործակցության միջկառավարական հանձնաժողովի 15-րդ նիստի շրջանակներում հանդիպել են Վրաստանի արտգործնախարար Մակա Բոճորիշվիլին և Հայաստանի արտգործնախարար Արարատ Միրզոյանը։

Կողմերը քննարկել են Հայաստան-Վրաստան երկկողմ և տարածաշրջանային համագործակցության հարցեր՝ նշելով, որ տարածաշրջանային կայունությունը, անվտանգությունը և կայուն զարգացումը ընդհանուր հետաքրքրություն են ներկայացնում։

Մակա Բոճորիշվիլին վերահաստատել է Վրաստանի պատրաստակամությունը՝ ակտիվորեն նպաստելու տարածաշրջանում խաղաղության և կայունության ամրապնդմանը։