Իրանը որևէ մեկից հրադադար չի խնդրում և պատճառ չի տեսնում Միացյալ Նահանգների հետ բանակցությունները վերսկսելու համար։ Այդ մասին հայտարարել է Իրանի արտաքին գործերի նախարար Աբբաս Արաղչին «NBC News» հեռուստաընկերությանը տված հարցազրույցում։
Նրա խոսքով՝ Թեհրանը նախկինում արդեն երկու անգամ բանակցել է Վաշինգտոնի հետ, սակայն երկու դեպքերում էլ ԱՄՆ-ը հարվածներ է հասցրել այն ժամանակ, երբ բանակցությունները դեռ ընթացքի մեջ էին։
«Մենք հրադադար չենք խնդրում և չենք տեսնում որևէ պատճառ, թե ինչու պետք է բանակցենք ԱՄՆ-ի հետ։ Մենք նրանց հետ բանակցել ենք երկու անգամ, և ամեն անգամ նրանք հարձակվել հենց բանակցությունների ընթացքում», – նշել է նախարարը։
Արաղչին նաև ընդգծել է, որ Իրանը երբեք ԱՄՆ-ին չի դիմել հրադադարի կամ նոր բանակցությունների խնդրանքով և նման ուղերձներ Վաշինգտոն չի ուղարկել։
Հետևեք մեզ տելեգրամում
