Թուրքիայի ու Ադրբեջանի արտգործնախարարները հեռախոսազրույց են ունեցել

Թուրքիայի արտգործնախարար Հաքան Ֆիդանը հեռախոսազրույց է ունեցել Ադրբեջանի արտաքին քաղաքական գերատեսչության ղեկավար Ջեյհուն Բայրամովի հետ։ Թուրքիայի պետական «TRT Haber» լրատվամիջոցը, հղում անելով Թուրքիայի արտգործնախարարության աղբյուրներից ստացված տեղեկատվությանը, նշել է, որ կողմերը քննարկել են Նախիջևանի ուղղությամբ իրականացված հարձակումը։

Ավելի վաղ Ադրբեջանի արտգործնախարարությունը հայտնել էր, որ Նախիջևանի Ինքնավար Հանրապետության ուղղությամբ անօդաչու թռչող սարքերով հարձակումներ են իրականացվել Իրանի տարածքից, իսկ Իրանի ԶՈւ ԳՇ-ն հերքել էր այդ լուրը։