Թուրքիայի օդային տարածքում վնասազերծվել է Իրանից արձակված ևս մեկ բալիստիկ հրթիռ

Թուրքիայի պաշտպանության նախարարությունը հայտնել է, որ Իրանից արձակված և Թուրքիայի օդային տարածք մտած ևս մեկ բալիստիկ հրթիռ է վնասազերծվել ՆԱՏՕ-ի ՀՕՊ համակարգի կողմից։ Ermenihaber.am-ի փոխանցմամբ՝ նշվում է, որ հիթիռը չեզոքացվել է Գազիանթեփ նահանգի Շահինբեյ շրջանի օդային տարածքում։

Դեպքի առնչությամբ հաղորդագրություն է տարածել Թուրքիայի նախագահականի hանրային կապերի վարչության ղեկավար Բուրհանեթթին Դուրանը։ Նա նշել է, որ Իրանից Թուրքիայի ուղղությամբ ընթացած բալիստիկ հրթիռը ժամանակին խոցվել ու չեզոքացվել է Գազիանթեփ նահանգի Շհինբեյ շրջանի օդային տարածքում՝ ՆԱՏՕ-ի ՀՕՊ համակարգի կողմից։ Դեպքի առնչությամբ զոհեր և վիրավորներ չկան։ Ըստ նրա՝ շատ կարևոր է, որ տարածաշրջանում լարվածությունը չսրվի և հակամարտություններն ավելի լայն ընդգրկում չունենան։

Դուրանի խոսքերով՝ Թուրքիան ևս մեկ անգամ նախազգուշացնում է բոլոր կողմերին, մասնավորապես Իրանին, զերծ մնալ այնպիսի գործողություններից, որոնք վտանգում են տարածաշրջանային անվտանգությունը և քաղաքացիական բնակչությանը։