Իրանի ԱԳՆ խոսնակ Էսմայիլ Բաղային քննադատել է ԱՄՆ-ի և Իսրայելի՝ Իրանի միջուկային հարցը ՄԱԿ-ի Անվտանգության խորհուրդ փոխանցելու ուղղությամբ գործադրվող ճնշումները՝ հայտարարելով, որ նման քայլի դեպքում Թեհրանը անհրաժեշտ միջոցներ կձեռնարկի։
Բաղային այդ մասին հայտարարել է երկուշաբթի օրը կայացած ամենշաբաթյա մամուլի ասուլիսում։
Իրանի ԱԳՆ խոսնակը հայտարարել է, որ արևմտյան երկրները նախկինում ևս դիմել են ՄԱԳԱՏԷ-ին և դրա ղեկավարին, երբ չեն կարողացել առաջ մղել իրենց նպատակները։
Նա ԱՄՆ-ին և Իսրայելին մեղադրել է Իրանի միջուկային օբյեկտներ ՄԱԳԱՏԷ-ի մուտքը սահմանափակելու և համագործակցության ճանապարհը փակելու համար։ «Իրանը, անշուշտ, անհրաժեշտ միջոցները կքննարկի և կձեռնարկի՝ ի պատասխան ցանկացած գործողության», – ասել է Բաղային։
Նա նաև հայտարարել է, որ միջուկային հարցի շուրջ վերջին նախաձեռնությունները վկայում են իրավիճակի հետագա սրման ձգտման մասին։
Հետևեք մեզ տելեգրամում
