Իտալիան արգելել է ԱՄՆ-ին օգտագործել Սիցիլիայի ավիաբազան՝ Իրանի դեմ գործողությունների համար

Իտալիան արգելել է ԱՄՆ ռազմաօդային ուժերին օգտագործել Սիցիլիայի «Սիգոնելլա» ավիաբազան՝ Իրանի դեմ հնարավոր ռազմական գործողությունների շրջանակում։ Այս մասին հաղորդում է իտալական «Corriere della Sera» պարբերականը։

Ըստ աղբյուրի՝ մի քանի օր առաջ ամերիկյան ռազմական ինքնաթիռները նախատեսում էին վայրէջք կատարել նշված ավիաբազայում, այնուհետև այնտեղից ուղղություն վերցնել դեպի Մերձավոր Արևելք։ Սակայն, երբ օդանավերը արդեն ճանապարհին էին դեպի Սիցիլիա, Վաշինգտոնը ստացել է Իտալիայի կողմից կիրառված արգելքի մասին ծանուցում։ Խոսքը վերաբերում է Sigonella Air Base ռազմաբազային, որը կարևոր ռազմավարական նշանակություն ունի տարածաշրջանում ՆԱՏՕ-ի և ԱՄՆ-ի համար։

Նշենք, որ նախկինում Իսպանիան էր փակել իր օդային տարածքը այն ինքնաթիռների համար, որոնք ներգրավված են Իրանի դեմ ռազմական գործողություններում։