Բելառուսի նախագահ Ալեքսանդր Լուկաշենկոն հայտարարել է, որ Հավաքական անվտանգության պայմանագրի կազմակերպությունը (ՀԱՊԿ) պետք է շատ զգույշ և կոռեկտ լինի Հայաստանի հետ հարաբերություններում։ Այս մասին նա ասել է ՀԱՊԿ գլխավոր քարտուղար Տաալատբեկ Մասադիկովի հետ հանդիպման ընթացքում։
«Ստացվում է, որ Հայաստանը ոչ միշտ է ակտիվորեն մասնակցում ՀԱՊԿ-ի աշխատանքներին, բայց մնում է կազմակերպության անդամ»,- ասել է Լուկաշենկոն՝ նշելով, որ այս պահին իրավիճակը բարդ է, հատկապես նախընտրական շրջանում։ Այս համատեքստում նա կարևորել է կառույցի և ՀՀ ղեկավարության միջև շփումները:
Ավելի վաղ ՀՀ վարչապետի հետ հանդիպմանը ՌԴ նախագահ Վլադիմիր Պուտինը նշել էր, որ տեղյակ է, որ հայկական կողմը դժգոհություններ ունի ՀԱՊԿ-ի աշխատանքից։
Փաշինյանն իր հերթին ընդգծել էր, որ դաշինքի անվտանգային մեխանիզմները պետք է գործեին 2022-ին, սակայն չեն աշխատել։ «Մենք այս պահին չենք մասնակցում ՀԱՊԿ-ի աշխատանքներին, որովհետև չենք կարող բացատրել մեր քաղաքացիներին, թե ինչու կազմակերպությունը չի արձագանքել՝ չնայած ունեցած պարտավորություններին»,- ասել էր ՀՀ վարչապետը։
Հետևեք մեզ տելեգրամում
