Իրանը Պակիստանի միջոցով պատասխանել է պատերազմի դադարեցման վերաբերյալ ԱՄՆ առաջարկներին: Իրանի կառավարական IRNA լրատվական գործակալության հաղորդմամբ՝ Թեհրանի պատասխանը բաղկացած է տասը կետից, որոնցում Իրանը առաջ է քաշել իր պայմաններն ու նկատառումները, այդ թվում՝ պատերազմի դադարեցում ամբողջ տարածաշրջանում, Հորմուզի նեղուցով երթևեկության կարգավորում,Իրանի վերակառուցում, պատժամիջոցների վերացում։
Ավելի վաղ ԱՄՆ նախագահ Դոնալդ Թրամփը հայտարարել էր, որ երեքշաբթի օրը երեկոյան (Երևանի ժամանակով՝ չորեքշաբթի վաղ առավոտյան) ԱՄՆ-ն կհարվածի Իրանի էլեկտրակայաններին ու կամուրջներին, եթե Թեհրանը չբացի Հորմուզի նեղուցը։
Իրանական կողմը շարունակում է պնդել, որ Հորմուզի նեղուցը չի վերադառնալու նախկին կարգավիճակին։
Հետևեք մեզ տելեգրամում
