Իրանի խորհրդարանի նախագահ Մոհամմադ Բաղեր Ղալիբաֆը X-ում գրել է, որ մինչ բանակցությունների մեկնարկը խախտվել է հրադադարի 3 հիմնական կետ, և նման պայմաններում երկկողմ հրադադարը կամ բանակցությունների անցկացումն անտրամաբանական է:
Ղալիբաֆն ընդգծել է, որ հրադադարը պետք է հաստատվեր ամբողջ տարածաշրջանում, այդ թվում՝ Լիբանանում, սակայն Իսրայելն այդ երկրի դեմ գործողություններ է իրականացնում: Նա նաև նշել է, որ Իրանի տարածք ԱԹՍ է մուտք գործել, բացի այդ՝ հակառակորդը մերժում է ուրանի հարստացման Իրանի իրավունքը:
Միաժամանակ իրանական ԶԼՄ-ները գրում են, որ եթե Իսրայելը շարունակի խախտել հրադադարը և հարձակումներ գործի Լիբանանի վրա, Իրանը դուրս կգա հրադադարի համաձայնությունից։
Ապրիլի 8-ին Իրանն ու ԱՄՆ-ն հայտարարել էին երկշաբաթյա հրադադարի մասին, սակայն Իսրայելը շարունակել է Լիբանանի դեմ հարձակումները: Միայն ապրիլի 8-ին իսրայելական հարձակումների հետևանքով զոհվել է 254 մարդ:
Հետևեք մեզ տելեգրամում
