ԱՄՆ բոլոր նավերը, ինքնաթիռները, զենքերն ու զինվորական անձնակազմը կմնան «իրենց տեղերում՝ Իրանում և նրա շրջակայքում», քանի դեռ լիարժեք համաձայնություն ձեռք չի բերվել: Այս մասին չորեքշաբթի ուշ երեկոյան Truth Social-ում կատարած գրառման մեջ հայտարարել է ԱՄՆ նախագահ Դոնալդ Թրամփը:
«Եթե ինչ-որ պատճառով դա տեղի չունենա, ինչը խիստ անհավանական է, ապա կսկսվի «հրաձգությունը»՝ ավելի մեծ, ավելի լավ և ավելի հզոր, քան որևէ մեկը երբևէ տեսել է: Իրանը չպետք է ունենա միջուկային զենք, իսկ Հորմուզի նեղուցը կլինի բաց և անվտանգ»,- գրել է Թրամփը:
ԱՄՆ-ի և Իրանի միջև բանակցությունները նախատեսված են անցկացնել ուրբաթ օրը, Պակիստանի մայրաքաղաք Իսլամաբադում, սակայն Իսրայելի կողմից Լիբանանի դեմ հարձակումների պատճառով այն կարող է տեղի չունենալ:
Հետևեք մեզ տելեգրամում
