Դեսպան Նարեկ Մկրտչյանը մասնակցել է Թրամփի առանձնատանը կազմակերպված ընդունելությանը

ԱՄՆ-ում ՀՀ դեսպան Նարեկ Մկրտչյանն աշխատանքային այցի շրջանակում Ֆլորիդայում մասնակցել է ԱՄՆ նախագահ Դոնալդ Թրամփի Մար-ա-Լագո առանձնատանը կազմակերպված ընդունելությանը։ Այս մասին հայտնում է դեսպանությունը։

Այցի ընթացքում Մկրտչյանը կարճատև շփում է ունեցել ԱՄՆ Կոնգրեսի անդամ Աբե Համադեհի հետ՝ ընդգծելով հայ-ամերիկյան երկկողմ հարաբերությունների ընթացիկ օրակարգի կարևորությունը։

Աշխատանքային այցի շրջանակում դեսպանն ունեցել է նաև այլ կարճատև հանդիպումներ և շփումներ՝ ուղղված հայ-ամերիկյան կապերի խորացմանը և տարբեր ոլորտներում համագործակցության նոր հնարավորությունների բացահայտմանը։ Այս համատեքստում դեսպան Մկրտչյանը կարևորել է Մար-ա-Լագոյի դերը՝ որպես երկխոսության և համագործակցության ընդլայնման հարթակ։