BMG-ին տված հարցազրույցում Վրաստանի Տրանսպորտային հետազոտությունների կենտրոնի տնօրեն Պաատա Ցագարեիշվիլին հայտնել է, որ Կասպից ծովի Ալիատի նավահանգստում ադրբեջանական երկաթուղային լաստանավերով վրացական բեռնափոխադրողների վագոնների երկարատև ուշացումների թիվն աճել է։ Փոխանցում է News.am-ը:
Նա նշել է, որ ուշացումների հիմնական պատճառը ադրբեջանական նավահանգստային ծառայությունների արհեստականորեն ստեղծած վարչական խոչընդոտներն են։
Ցագարեիշվիլին հայտարարել է, որ Վրաստանի կառավարությունը պետք է միջամտի խնդիրը լուծելու համար, քանի որ նման բյուրոկրատական բարդությունները նվազեցնում են «Միջին միջանցքի» գրավչությունը։
«Ներկա պահին ադրբեջանական կողմում Վրաստանից մոտ 700-900 բեռներով վագոն սպասում է հերթում։ Բեռնափոխադրողներն ուշացումների հիմնական պատճառներից մեկը համարում են այն փաստը, որ ադրբեջանական կողմն առաջնահերթություն է տալիս ադրբեջանական վագոններին։ Այլ կերպ ասած, լաստանավերի օգտագործման հարցում որոշակի խտրական մոտեցումներ կան»,- նշել է նա։
Հետևեք մեզ տելեգրամում
