Հայաստանը քաղաքականապես և տեխնիկապես պատրաստ է բացել Թուրքիայի հետ սահմանները, սակայն գործընթացը կախված է թուրքական կողմից: Այս մասին CNN TÜRK-ի հետ հարցազրույցում ասել է ՀՀ փոխարտգործնախարար Վահան Կոստանյանը՝ հավելելով, որ Հայաստանը պատրաստ է հաստատել դիվանագիտական հարաբերություններ և նշանակել դեսպաններ, սակայն կարգավորման գործընթացը պետք է լինի երկկողմանի: Փոխանցում է «Արմենպրեսը»:
Նա նշել է, որ ներկայում Ալիջանի սահմանային անցակետը առաջնահերթություն է և շարունակվում են նաև երկաթուղային հաղորդակցության վերականգնման տեխնիկական աշխատանքները:
Կոստանյանը ընդգծել է, որ տարածաշրջանում անվտանգության ռիսկերը լրացուցիչ մոտիվացիա են սահմանների բացման համար և ընդգծել, որ տնտեսական և լոգիստիկ համագործակցությունը, մասնավորապես «Թրամփի ուղի» նախագծի շրջանակներում, կարող է նոր հնարավորություններ ստեղծել Եվրոպա-Կենտրոնական Ասիա երթուղու երկայնքով:
Հետևեք մեզ տելեգրամում
