Իրանի արտաքին գործերի նախարարության պաշտոնական ներկայացուցիչ էսմայիլ Բաղաեին հայտարարել է, որ Իրանը պատրաստ է օգտագործել դիվանագիտական ուղին ԱՄՆ-ի հետ հակամարտության կարգավորման համար, սակայն միայն այն դեպքում, երբ համոզված լինի, որ դա բխում է երկրի ազգային շահերից։ Այս մասին հայտնել է «ՌԻԱ Նովոստի»-ն։
Ներկայացուցչի խոսքով՝ դիվանագիտությունը հանդիսանում է ազգային շահերի և անվտանգության ապահովման կարևոր գործիք, և Թեհրանը համապատասխան քայլեր կձեռնարկի այն պահին, երբ ձևավորվի «համապատասխան և ողջամիտ հարթակ»՝ այդ գործիքը կիրառելու համար։
Բաղաեին նաև շնորհակալություն է հայտնել Պակիստանին՝ Թեհրանի և Վաշինգտոնի միջև պատերազմի դադարեցմանն ուղղված միջնորդական ջանքերի համար։ Խոսելով հրադադարի առաջարկի մասին՝ նա նշել է, որ Իրանը հետևում է ինչպես ռազմաճակատում, այնպես էլ քաղաքական դաշտում տեղի ունեցող զարգացումներին՝ ընդգծելով, որ երկրի զինված ուժերը պատրաստ են վճռականորեն արձագանքել ցանկացած սպառնալիքի։
Հիշեցնենք, որ Պակիստանի մայրաքաղաք Իսլամաբադում անցկացված բանակցությունների առաջին փուլը ավարտվել էին առանց արդյունքի։ Չնայած ռազմական գործողությունների վերսկսման մասին պաշտոնական հայտարարություններ չեն եղել, ԱՄՆ-ն սկսել է շրջափակել Իրանի նավահանգիստները։ Միջնորդները ներկայումս փորձում են կազմակերպել բանակցությունների նոր փուլ։
Հետևեք մեզ տելեգրամում
