Վրաստանում կադրային փոփոխություններ են տեղի ունեցել։ Երկրում ստեղծվել է պետնախարարի պաշտոն, որը համակարգելու է ուժային կառույցների աշխատանքը: Պետնախարար է նշանակվել ՊԱԾ ղեկավար Մամուկա Մդինարաձեն։ Հայտնում են վրացական ԶԼՄ-ները:
Նրան ՊԱԾ ղեկավարի պաշտոնում կփոխարինի ՆԳ նախարար Գեկա Գելաձեն, իսկ ՆԳ նախարար է նշանակվել Աջարիայի կառավարության ղեկավար Սուլուխան Թամազաշվիլին։ Մամուկա Մդինարաձեն կատարելու է նաև փոխվարչապետի պարտականություններ։ Եվս մեկ փոխվարչապետ է նշանակվել նաև ԱԳ նախարար Մակա Բոճորիշվիլին։ Վրաստանի կառավարությունում ներկայում պաշտոնավարելու է 3 փոխվարչապետ։
Ավելի վաղ Մամուկա Մդինարաձեին շնորհվել էր պետական անվտանգության գեներալ-մայորի կոչում։
Հետևեք մեզ տելեգրամում
