Թուրքիայի արտաքին գործերի նախարար Հաքան Ֆիդանը ապրիլի 23-24-ը պաշտոնական այցով կմեկնի Մեծ Բրիտանիա։ Այս մասին հայտնել են թուրքական լրատվամիջոցները։
Այցի շրջանակում նախատեսվում են հանդիպումներ բրիտանական բարձրաստիճան պաշտոնյաների հետ, ինչպես նաև քննարկումներ երկկողմ հարաբերությունների և տարածաշրջանային հարցերի շուրջ։ Ֆիդանը բրիտանացի պաշտոնյաների հետ կքննարկի Եվրոպական միության անվտանգության և պաշտպանության նախաձեռնությունները, ինչպես նաև Պակիստանի միջնորդությամբ Իրանի և ԱՄՆ-ի միջև ընթացող բանակցությունները և Հորմուզի նեղուցի շուրջ զարգացումները։
Հանդիպումների ընթացքում նախատեսվում է քննարկել Թուրքիայի և Մեծ Բրիտանիայի միջև երկկողմ հարաբերությունների բազմակողմ խորացման ուղղությամբ տարվող աշխատանքները։ Մասնավորապես, ուշադրություն կդարձվի ազատ առևտրի համաձայնագրի արդիականացման բանակցություններին։
Հետևեք մեզ տելեգրամում
